के को लागि प्रयोग गर्ने डलर कार्ड? An overview on dollor card

के तपाई पनि नेपालबाट सजिलै डलरमा भुक्तानीमा गर्न चाहुनुहुन्छ वा नेटफ्लिक्स, स्पोटीफाई जस्ता प्लेटफर्मको सब्सक्रिप्सन खरिद गर्न चाहनुहुन्छ ? यदी चाहनुहुन्छ भने यो भिडियो तपाईको लागि हो ।

नेपाल राष्ट्र बैंकले २०७७ सालमा डलर खाता नभएपनि बैंकहरूले ग्राहकहरूलाई प्रिपेड डलर कार्ड जारी गर्न सक्ने व्यवस्था गरेको थियो ।

डलर कार्ड, एक प्रिपेड कार्ड हो जुनमा तपाईंले अमेरिकी डलर लोड गर्न सक्नुहुन्छ । यसबाट सजिलै वर्षमा ५०० डलरसम्मको अन्तर्राष्ट्रिय भुक्तानीको डलरमा गर्न सकिन्छ ।

डलर कार्ड लिन प्यान नम्बर आवश्यक पर्छ । तर एउटा व्यक्तिले एउटा मात्रै डलर कार्ड लिन पाउँछ ।  एउटा बैंकबाट डलर कार्ड लिइसकेपछि अर्को बैंकबाट लिन पाइदैन ।

तपाईंले आफ्नो खाता भएको बैंकबाट डलर कार्ड लिनसक्नुहुन्छ तर यसको लागि तपाइले एउटा अनुरोध फारम भर्नुपर्छ र बैंकमा आफ्नो केवाइसी विवरण सही भएको हुनुपर्नेछ ।

ग्राहकले प्रचलित कानुन अनुसार आफूले सो रकम खर्च गर्ने भनी स्वघोषणाको फारम पनि भर्नुपर्छ । प्रचलित ऐन, कानुनभन्दा बाहिर रकम प्रयोग नगर्ने प्रतिबद्धता गरी गरेको पाइएमा कारबाही भोग्न तयार छु भन्ने आशय स्वघोषणामा उल्लेख भएको हुनेछ ।

बैंकबाट यो कार्ड लिएपछि नेपालको कानूनले प्रतिबन्ध नलगाएका विदेशी वस्तु र सेवा अनलाइन मार्फत नेटफिलिक्स, स्पोटिफाई, अमेजन, डिज्नी हटस्टार लगायतको सब्सक्रिप्सन लिन सकिन्छ ।

डलर कार्ड प्रयोग गर्दा तपाईंको बैंक खातासँग सीधा लिंक नहुने भएकाले गर्दा अनलाइन ठगीको जोखिम कम हुन्छ । बैंकहरूले भर्चुअल र फिजिकल दुबै डलर कार्ड जारी गर्दै आएका छन् । फिजिकल कार्ड बन्न केही समय लाग्ने छ । डलर कार्ड जारी गर्दा र डलर लोड गर्दा लाग्ने शुल्क बैंकहरु पिच्छे फरकफरक हुनसक्छ ।

सबैले एउटै शुल्कमा कार्ड जारी गर्नुपर्ने प्रावधान नभएकाले बैंकहरुले आ–आफ्नै तरिकाले शुल्क निर्धारण गरेका हुन्छन् त्यसको लागि तपाइले तपाइको खाता भएको बैंकको कस्टमर सपोर्टमा सम्पर्क गरेर बुझ्नसक्नु हुन्छ ।
 

आजको भिडियोमा डलर कार्डको बारेमा बुझ्नुभयो। यदि तपाईंलाई यो भिडियो मन परेको छ भने, कृपया लाइक र कमेन्ट गर्न नबिर्सनुहोस्। र तपाईले कस्तो भिडियो हेर्न चाह्रनु भएको छ हामीलाई जानकारी दिनुहोला । हामी पुनः अर्को भिडियो लिएर आउने नै छौं । आजलाई बिदा दिनुहोस्, नमस्कार ।